Эдийн засаг
・Нийтэлсэн:
Нийслэл Хүү
・
2014 10 сар 14
“Оюу толгой” компани Хөдөлмөрийн яамны харьяа Өмнөговь аймаг дахь Политехникийн коллежийн хичээлийн байрны өргөтгөл, дотуур байрыг шинээр барьж, өчигдөр ашиглалтад хүлээлгэн өглөө.
Энэхүү байгууламж нь
- хийн шингэн
- цахилгаан
- гагнуур
- хүнд машин механизм
- хөдөлмөрийн аюулгүй ажиллагааны сургалтын иж бүрэн тоног төхөөрөмж бүхий 180 оюутан хичээллэх анги, дадлагын хоёр танхимтай хоёр давхар хичээлийн байр
- 108 оюутны дотуур байр,цахилгаан хангамжийн дэд өртөөний барилгаас бүрдэж буй юм.
Нээлтийн үеэр “Оюу толгой” компанийн Ирээдүйн мэргэжилтэн бэлтгэх асуудал хариуцсан менежер Керн Вон Хаген “Өнөөдрийн үйл явдал Оюу толгой компани ганцхан энэ сургуульд биш бусад олон санаачлага, төсөл хөтөлбөрүүдэд хувь нэмрээ оруулсныг батлан харуулах цөм нь болж байгаа юм. Монгол залуусыг энэ сургууль олон улсын стандартад нийцсэн мэргэжилтэй ажилтан болгож гаргана гэдэгт найдаж байна” гэж онцлов.
Харин Өмнөговь аймгийн ИТХ-ын дарга Л.Батчулуун “Оюу толгой компанийн хөрөнгө оруулалтаарПолитехник коллежийн хичээлийн байрны өргөтгөл, дотуур байр баригдаж, нээлтээ хийж байгаа нь Өмнөговь аймгийн түүхэнд тодоор бичигдэх үйл явдал боллоо” хэмээн хэллээ.
“Оюу толгой” компани 2010 онд Монгол Улсын Боловсрол, соёл, шинжлэх ухааны яамтай Мэргэжлийн боловсрол, сургалтын талаарх харилцан ойлголцлын санамж бичиг байгуулсан билээ.
"дэлгэрэнгүйг энд дар"
эх сурвалж ikon.mn
Манай сайт танд таалагдаж байвал LIKE хийгээрэй. Танд баярлалаа.