Оюутолгойн хувьцаа эзэм­шигчид болох Зас­гийн газар, “Рио Тинто”, “Тур­койз хилл ресурс” төслийн хоёр­ду­гаар шат болох Далд уур­хайн бү­тээн байгуулалтыг эх­лүүлэх то­хиролцоонд хүрч, өчиг­дөр Ду­бай хотноо гэрээнд га­рын үсэг зурлаа. Энэхүү үйл явд­лын та­лаар манайд одоохондоо дэлгэрэнгүй мэдээлэл алга байна.

Зөвхөн www.ot.mn сайт болон Засгийн газрын сайтад “Оюу толгой” төслийн далд уурхайг ашиглах бүтээн бай­гуулалтын төлөвлөгөөнд гарын үсэг зурлаа” гэсэн мэдээлэл л бай­на. Тэгэхээр энэ асуудлын хү­рээнд ойрын хугацаанд УИХ, Зас­гийн газрын гишүүд дуугарч эх­лэх биз. Ямартай ч энэхүү үйл явд­лын талаар гадны хэвлэл мэ­дээл­лийн хэрэгслүүдэд хэрхэн мэ­­дээлснийг тоймлон хүргэж бай­­на.
 

Рио Тинто нэлээд эртнээс л Мон­голын Засгийн газартай хийж буй хэлэлцээр амжилтад хү­рэ­хэд ойрхон байгаа гэдгээ мэ­дэгдэж байсан. Тэгвэл талууд төлөвлөгөөнд гарын үсэг зурж, Оюу­толгойн төслийн хоёрдугаар ша­тыг эхлүүлэхээр болжээ. Рио Тинто, Монголын Засгийн га­зар, Туркойз хилл ресурс гэ­сэн гурван субъект гарын үсэг зуран баталгаажуулжээ.

Төс­лийн ихэнх хувийг эзэмшдэг Анг­ло Авст­ра­лийн компанийн мэдэгд­сэ­нээр, хувь­­цаа эзэмшигчид сан­хүү­жил­тийн арга механизм бо­лон бусад асуу­дал дээр бүрэн ойл­голцолд хүрч чаджээ.  Өчигдөр гаргасан уг мэдэгдэлд “Хувьцаа эзэмшигчид ха­рилцан ойлголцож, гарын үсэг зурснаар төсөл хөгжлийнхөө шинэ замд орлоо.

Одоо далд уур­хайн бүтээн байгуулалтад шаа­р­дагдах хөрөнгийн шинэ эх үүсвэрийг олох, өмнө нь то­хи­ролцоонд хүрсэн банк сан­хүүгийн байгууллагуудаас сан­хүү­жилт авахад бэлтгэх, тех­ник эдийн засгийн үндэслэл бо­лон төслийг хэрэгжүүлэхэд зайлш­гүй шаардлагатай бусад шийд­вэ­рүүдийг гаргах асуудалд гол ан­хаар­лаа хандуулах болно” гэж дурьд­сан байна.     
 

Уул уурхайн Рио Тинто групп, Монголын Засгийн газар 5.4 тэр­бум америк долларын /7.7 тэрбум авст­рали доллар/ өртөг бүхий Оюутолгойн далд уурхайн бүтээн байгуулалтыг эхлүүлэхээр хоёр жил орчим хэлэлцсэний эцэст харилцан ойлголцолд хүрч, төслийг эхлүүлэх гэрээнд гарын үсэг зурлаа.

Оюутолгой төслийн 34 хувийг Монголын Засгийн га­­зар, 66 хувийг Туркойз хилл эзэмш­­дэг бөгөөд Рио Тинто групп Туркойз хиллийн хяналтын баг­­цыг эзэмшдэг юм. Далд уур­хайг ашиглах бүтээн байгуулалтын төлөвлөгөөнд гарын үсэг зурснаар төсөл цаа­шид тогтвортой хөгжих үн­дэс бол­сон гэдгийгРио Тинто груп­пийн Зэс, нүүрсний бүлгийн за­хи­рал Жан Себастьян Жак цо­хон тэмдэглэжээ. Монголын Зас­гийн газрыг төлөөлж гарын үсэг зурсан Ерөнхий  сайд Ч.Сайханбилэг “Төлөвлөгөөнд гарын үсэг зурсан нь Монголын эдийн засагт чухал нө­лөө үзүүлэхээс гадна Монгол хө­рөнгө оруулагчдад нээлттэй улс гэдгийг харуулах чухал алхам болс­­он”-ыг онцолсон байна. 

Төлөвлөгөөнд далд уурхайн бү­тээн байгуулалтын ажил 24 са­рын ху­гацаанд үргэлжилж, анх­ны хүд­рээ гаргаснаас хойш хоёр жи­лийн дотор хүчин чад­лаа жилд сая тонн зэсийн баяж­мал бо­ловс­руу­лах хүртэл нэмэгдүүлэ­хээр тусгасан байна.   
 

Оюутолгой төслийн хоёр дахь шатыг эхлүүлэх төлөвлөгөөг Ду­байд үзэглэснийхээ дараа Мон­г­ол Улсын Ерөнхий сайд Ч.Сай­ханбилэг “Энэхүү төлөвлөгөө нь Монгол Улсын түүхэнд нэгэн ши­нэ хуудсыг нээлээ” хэмээн мэдэгд­лээ. Тэрбээр “Одоо бүх зүйл цэвэр бол­сон, Монгол дахиад нээлттэй бол­сон” гэж онцолжээ. 

Оюутолгойн хөрөнгө оруулалтын асуудлаар Рио Тинтотой өр­нүүл­сэн маргаан Монгол Улсын эдийн засагт хүндээр тусч, орж ирэх гадаадын шууд хөрөнгө оруулалт 2012 оноос хойших хоёр жилд 4.5 тэрбумаас 400 сая ам.доллар болт­лоо огцом буурсан юм. Үүнээс болж эдийн засгийн өсөлт нь энэ жил гурван хувьтай гарна гэ­сэн таа­гүй дүгнэлтийг Азийн хөгж­лийн банкнаас хийж байв. Гэтэл төс­­лийн эхний шат болох 6.6 тэр­бум ам.долларын өртөгтэй ил уур­хайн төсөл хэрэгжиж байхад эдийн засгийн өсөлт нь 17.3 хувьд хүрч, өсөлтийн хувиар дэлхийд тэргүүлж байлаа.

 

Үргэлжлэлийг энд дарж уншина уу

---

Манай сайт танд таалагдаж байвал LIKE хийгээрэй. Танд баярлалаа.

---

---

Сэтгэгдэл үлдээх

Сэтгэгдэлтэй холбоотой санамж, хүсэлтүүд

Илгээ

1 Сэтгэгдэлтэй

Сэтгэгдэлүүд харагдах байдал:

• Зочин / 2015 05 сар 20/

  Заавал гадаадад зурдаг нь л но-тош доо,

  Хариулах