Нийгэм
・Нийтэлсэн:
Мэргэн охин
・
2015 05 сар 27
・ 3
Дахин төлөвлөлтөд орж, газраа чөлөөлсөн иргэд сэтгүүлчдэд хандсан юм. Сүхбаатар дүүргийн 15 дугаар хорооны оршин суугчид дахин төлөвлөлтөд орж, газраа чөлөөлсөн ч өнөөдрийг хүртэл орох оронгүй айлаар хоног төөрүүлж байгаа гэнэ.
Тодруулбал, Дамбадаржаагийн 15 дугаар хороонд “Цэлмэг Ази” компани дахин төлөвлөлт хийхээр болсон байна. Тиймээс оршин суугчид хашаа, байшингаа нүүлгэн, чөлөөлж өгөөд орон сууц баригдах үед нь байртай болно гэж гэрээлжээ. Гэвч 2014 онд ашиглалтад орох ёстой байсан байр нь өнөөдрийг хүртэл баригдаагүй байгаад иргэд иргэд бухимдаж явна.
Мөн 15 дугаар хорооны 23 дугаар гудамжны 20 орчим айл хашаа, байшингаа буулгаж өдийг хүртэл хамаатан садан, найз нөхдийнхөөрөө, нөгөө хэсэг нь түрээсийн байранд хоног төөрүүлж байгаа гэдгээ ч энэ үеэр онцлон хэллээ.
Харин иргэд энэ асуудлаар “Цэлмэг Ази” компанитай холбогдох гэсэн ч сураг тасарсан байж байгаад саяхан холбогджээ. Тус компанийн удирдлагууд “Хөрөнгө мөнгө байхгүй учраас ажил удааширсан” гэх тайлбарыг өгсөн аж. Энэ талаар нийслэлийн Засаг даргын орлогч С.Очирбаттай холбогдоход “Удахгүй орон сууцыг нь барьж дуусгана” гэхээс өөр хариулт хэлээгүй юм.
Манай сайт танд таалагдаж байвал LIKE хийгээрэй. Танд баярлалаа.