Хуурамч дугаар ашигласан жолооч нарын эрхийг хасна

Нийгэм ・Нийтэлсэн: Мэргэн охин ・ 2015 07 сар 20
Улсын дугаарын сүүлийн оронгоор хязгаарласан журам хэрэгжиж эхэлснээс хойш зарим жолооч нар 2-3 дугаартай байх, эсвэл хуурамч дугаар зүүх зөрчил гарч эхэлсэн билээ. 

Тэгвэл ирэх есдүгээр сарын 1-ээс мөрдөгдөж эхлэх Замын хөдөлгөөний аюулгүй байдлын тухай хуулийн 31.3-т “Улсын бүртгэлийн хуурамч дугаар бүхий тээврийн хэрэгслээр замын хөдөлгөөнд оролцсон бол иргэнийг нэг сарын хөдөлмөрийн хөлсний доод хэмжээтэй тэнцэх хэмжээний төгрөгөөр торгож, нэг жилийн хугацаагаар эрхийг хасах, хуулийн этгээдийг нэг сарын хөдөлмөрийн хөлсний доод хэмжээг тав дахин нэмэгдүүлсэнтэй тэнцэх хэмжээний төгрөгөөр торгох шийтгэл оногдуулна” хэмээн заасан байна. 

Улсын бүртгэлийн хуурамч дугаар гэдэгт уг дугаар нь бүртгэлийн байгууллагаас тухайн автомашинд албан ёсоор олгоогүй, эсвэл улсын дугаарын цифр, үсгийг санаатайгаар өөрчилж засварласан дугаар ордог аж. 

Хуучин ийм төрлийн зөрчлийг ЗХТХ-ийн 25.5 дугаар зүйлд зааснаар 5000- 25000 төгрөгөөр торгодог байсан юм байна. Одоо буюу ирэх есдүгээр сарын 1-ээс 192 000 төгрөгөөр торгоод дээр нь нэг жилээр автомашин жолоодох эрхийг хасах юм байна. 
 

Эх сурвалж: www.mminfo.mn

Э.Мөнх
Манай сайт танд таалагдаж байвал LIKE хийгээрэй. Танд баярлалаа.

Сэтгэгдэл үлдээх
Сэтгэгдэлтэй холбоотой санамж, хүсэлтүүд