Үндэсний их баяр наадмын үеэр буюу энэ сарын 14-нд “Үндэсний соёл амралтын хүрээлэнд ажилладаг 19 настай охин ажлаа тараад гэртээ харих замдаа алга болсон тухай мэдээлэл баяр наадмын дараахан оллон нитийн сүлжээнд тархаж байсан.

Тэгвэл охиныг алга болсоноос дөрөв хоногийн дараа буюу энэ сарын 17-ны өдөр гал тэргэнд дайруулан амиа алдсан байдалтайгаар цогцсыг нь моргоос олсон юм. Гэвч ар гэрийнхэн нь охиноо амиа хорлосон бус гадны нөлөөтэй нас барсан гэж үзэн хуулийн байгууллагаар шалгуулж байна.

Учир нь хамт явсан хүмүүсийнх нь хэлснээр,  охиныг таксинд суулгаж өгсөн байдаг бөгөөд охин ч гэрийнхэнрүүгээ харьж байгаа талаараа утсаар ярьсан байдаг.

 Тиймээс цагдаагийн байгууллагаас мөрдөн байцаалтын ажиллагаа явуулж, байцаалтын явцад охины хамгийн сүүлд суусан таксины жолоочийг хайж эхэлжээ.

Алга болсон өдөр нь ар гэрийнхэн нь цагдаагийн байгууллагад мэдээлэл өгч, тусламж өгсөн боловч 72 цагийн дараагаас эрэн сурвалжлах ажиллагааг эхлүүлнэ гэсэн хариу өгснөөс эрлийн ажиллагаа их хожуу эхэлсэн. Хэрэв алга болсон даруйд эрлээ эхлүүлсэн бол охиныг нь амьд олох боломжтой байсан гэж талийгаач охины аав ихэд гомдолтой байгаа юм.

Тэгвэл цагдаагийн байгууллагаас охиныг суулгаж явсан жолоочийг хайж багаа талаар зарлал гаргалаа.

Эх сурвалж        http://www.buzznews.mn