Нийгэм
・Нийтэлсэн:
Мэргэн охин
・
2015 08 сар 24
・ 6
Үймээнээс үүдэн “Шангрила- 2” зочид буудлын барилгын ажил зогсчээ
“Шангрила- 2” зочид буудлын баригла дээр ажиллаж байсан хятад ажилчид тус барилга дээр ажиллаж байсан монгол залууг бүлэглэн зодож, гэмтээсэн хэрэг өчигдөр буюу энэ сарын 24-нд гарсан байна. Үүнээс үүдэн өчигдөр барилга дээр ажиллаж буй Монгол, Хятад ажилчдын дунд ихээхэн үймээн дэгдэж улмаар Сүхбаатар дүүргийн цагдаагийн хэлтсийнхэн очиж намжаажээ.
Манай сайтад мэдээлэл өгсөн эх сурвалж “Хятадуудад зодуулсан монгол залуу өчигдөр ГССҮТ-рүү хүргэгдсэн. Биеийнх нь байдал ямар байгааг сайн мэдэхгүй байна. Ямартай ч хятадууд гартаа тааралдсан төмөр, мод зэргээр түүнийг зодож гэмтээсэн. Үүний дараа хятад, монгол ажилчдын дунд үймээн дэгдэхэд хууль, хүчний байгууллагынхан ирж салгаад явсан. Гэтэл шөнө бас нилээн юм болсон гэж байна. Биднийг өглөө ажилдаа ирэхэд оруулсангүй. Хятадуудаас болоод 700 гаруй монгол ажилчид нэг өдрийнхөө ажлыг алдаж байна. Энэ асуудлыг дуугуй өнгөрөөж болохгүй, хоёр улсын аюулгүй байдалд нөлөөлөхүйц зүйл болж магадгүй гэдгийг хэлмээр байна. Хятадууд бол бүр шийдчихсэн байна лээ” гэв.
Бидэнд олдсон мэдээллээр “Шангрила-2” зочид буудлын барилга дээр 700 гаруй хятад ажилчид ажилладаг аж.
Энэ талаарх сурвалжлалыг удахгүй хүргэнэ.
Эх сурвалж: www.eagle.mn
Ц.Сонор
Манай сайт танд таалагдаж байвал LIKE хийгээрэй. Танд баярлалаа.