Төрийн мөнгөөр эхнэр, хүүхдээ зугаалуулж байна, цаана чинь

Нийгэм ・Нийтэлсэн: Мэргэн охин ・ 2015 11 сар 04 ・ 2

Эдийн засгийн хямралыг гарз хохирол багатайгаар давж гарах тухайд эрдэмтэн мэргэд  ухаанаа уралдуулан, цэц булаалдавч гаргалгаа нь энэ гээд алх цохих эдийн засагч  одоогоор алга. Тэгэхээр хямрал хэдий хүртэл үргэлжлэхийг хэлж мэдэхгүй нь. Ямартай ч  цалингаас цалингийн  хооронд аж төрдөг, орон сууцны зээлтэйолон мянган иргэний өдөр тутмын амьдралд хурцаар мэдрэгдэж, өөр зээл нь нэхэгдэн байж суух аргагүйд хүрэхээрээ салж нийлэх дээрээ тулдаг нь бодит үнэн. Тэгвэл амьдралын нөгөө өнцөгт аялж зугаалах мөнгөтэй тусгай бүлгийнхэн бас байх юм аа. Тэр азтай, одтой нөхдүүд хэн бэ гэвэл төрийн албан хаагчид. Тэд төрийн мөнгөөр нэг хоёроороо бус арав хориороо цаашлаад халаасандаа эхнэр хүүхдээ, нууц амраг, хадам эхээ багтаагаад аялчихна. Ингэхдээ галт тэрэг бус  агаарын хүлгийг сонгочихноо бас. 

Энэ тухай манайдаа л гайгүй нэртэй нэгэн найруулагч“ Татвар төлөгчдийн мөнгөөр  манай төрийн албан хаагчид гараа угаах шиг болж байна. Би өөрийн сайн мэдэх урлагаар жишээ авъя. Монгол Улсаа сурталчилах хилийн чинадад зохион байгуулагдах  арга хэмжээнд урлаг соёлын байгууллагаас 50 хүн оролцоно гэх мэдүүлгийг уншаад “Манайхан  бут авах нь ээ” гэж бодоод очихоор 20 хүрэхгүй шахам хүн зогсч байх. Яагаав өнөө 50 хүн чинь гэхээр мөрөө хавчаад эрүүгээрээ зохион байгуулж байгаа яамдын газрын дарга нарыг заах. Гэтэл өнөөх дарга нар нь урлагийнхны нэрийг барин эхнэр хүүхэд, хадам ээжээ аваад оччихсон, тэд нар нь үнэтэй зочид буудалд тансаглан, брэндийн дэлгүүр хэссэн шигээ амарч зугаалаад буцах жишээний.  

Хөөрхий ачааны хүндийг үүрсэн урлагийнхан дэлгүүр хэсэх нь бүү хэл, амсхийх завгүй тоглолт хийсээр  хүүхдийнхээ нүдийг хуурах чихэр жимсхэнийг онгоцны буудал эсвэл буудлын гадна ТҮЦ-ээс худалдаж аваад нутаг буцдаг. Ингэж болохгүй ээ, та минь” гэж хэлсэн нь бодох л зүйл. Төрд өндөр албан тушаал хашиж байгаа эрхмүүд ч үүнд хамаатай. Төрийн тэргүүн, Ерөнхий сайд, УИХ-ын даргын гадаад айлчлалын бүрэлдэхүүнд гэргий нараас нь гадна эрх мэдэл бүхий албан тушаалтнуудын ар гэр, найз нөхөд нь багтсан л байдаг. Ийм жишээ олныг нэрлэж болно. Төрийн гурван өндөрлөгийг төчнөөн тооны хүн дагалдана гэсэн албан ёсны тоо байхгүй л дээ.Өөрийн онгоцоор явах тохиолдолд онгоцны суудал дүүрсэн харагддаг. Дээр нь биенесийнхэн. Мэдээж  Ерөнхийлөгч, Ерөнхий сайд, УИХ-ын дарга  хичнээн хүн өөрийг нь дагалдаж явахыг мэддэггүй биз.  Ажлын алба, тамгын газрынхны хийх ажил учраас тэр.  Яамдын сайд нар ч ялгаагүй байлгүй. Төрийн нарийн, газар хэлтсийн дарга нартаа найддаг хэрэг. 

 

Үргэлжлэлийг эндээс уншина уу 


 

Манай сайт танд таалагдаж байвал LIKE хийгээрэй. Танд баярлалаа.

Сэтгэгдэл үлдээх
Сэтгэгдэлтэй холбоотой санамж, хүсэлтүүд

2 Сэтгэгдэлтэй
Сэтгэгдэлүүд харагдах байдал: