УИХ-ын гишүүн Ё.Отгонбаяр Идээчин, угаачин ер юу юу гэнэ вэ. Над руу тун муухай дайрсан даа. Идэж уусан хүн иймхэн харвинтай байдаг юмуу. 

 

Та нар цаагуураа яваад үзээрэй. Жинхэнэ идэж уусан хүмүүс чинь нэг аймаар харвин сууж ирээд буцаад шалчийчихдаг юм билээ. Би тийм нөхдийг бол хуруу дараад тоолж чадна шүү.

 

 

 

 

Дээл, машиныхаа өнгөөр ижилсэж гангарна би. Дээд төрийнхөө сүлдэнд залбирч мөнхөрнө би. Яадаг юм би цахим дарга, явсан суусан газартаа сельфи хийхээ ч мартахгүй. Яваандаа би М.Зоригт сайдыг ч дагуулахгүй. 

 

 

 

 

Аав, ээжийн хайртай хүү би, амраг ханийнхаа түшигтэй нөмөр би. Аваргын цээжинд наалдаж үзэх юмсан гэж хүүхнүүд ярьдаг л юм гэсэн. Авааль эхнэр минь сонсчихоогүй байгаа даа, бүрхан минь.

 

 

 

Парламент дотроо мөрийтэй тэвэгдвэл мань чинь харин дахин нэг цулайх нь баараггүй. 

Хар багаасаа тэвэгдэж өссөнийхөө хэргийг гаргаж Д.Лүндээ, Ц.Нямка, Ажнай гээд архаг тэвэгчдийн хулхийг буулгаж, бооцооны мөнгийг урдаа овоолж, азаргалаад өгөхөө мань чинь андахгүй.

 

 

 

 

Баз хүргэн гэдэг чинь ер нь баараггүй нэг санаатай байхгүй бол болдоггүй юм байна. Мань хоёр чинь яах вэ, чуулгантай үед чанга дуугаралцаж, муухай харалцавч цаагуураа бол нэгнээ үгүйлээд сүйд болдог юм. Ямар сайндаа л хадам ээжийгээ ордонд оруулж, аньсага сормуус нулимастай зогсоцгоож байх вэ дээ, та минь. 

 

 

 

 

Намайг та нэг “авсаархан” амьтан л гүйгээд байдаг гэж бодож байна уу. Би чинь тэгвэл “биеэр жижиг ч, бэлчээр том”-той амьтан шүү. Чуулганы танхимд цэц булаалдсан ч буланд шахуулахгүй, биеийн тамирын зааланд жүдо барилдсан ч дээр чинь л унана гэж мэдээрэй. Ялангуяа Х.Тэмүүжин чи анхаараарай.

 

 

 

 

Тээр харахгүй юу. Ийм олон оймс хийцэн. “Чингис”, “Самурай” бондоос маньд арай илүү хэдэн зоос өгчихсөн бол тэврээд даахгүй оймс хийчих байсан байхгүй юу. Даанч Ч.Улаан, Н.Батбаяр гэж хоёр харамч юм манийг гадуурхаад хариугүй цөөхөн зоос сарвайсан юм л даа, туучийнууд.

 

 

 

 

Яах вэ намайг “Цэцгэнд төөрсөн эрвээхэй” ч гэнэ үү, цэнхэр дэлгэцийн сувд ч гэнэ үү эрхэм та тааллаараа л бол. Эргэлзээгүй нэг зүйлийг хэлэхэд цэцгэнд төөрсөн минь ч үнэн, цэнхэр дэлгэцийн сувд байтугай эзэн нь юм шүү харин. 

 

 

 

 

За цаагуур чинь муусайн гуйлгачингууд юу гэж цуурч байна. “Даваасүрэн ямаагаа самнаад тэрбумтан болсон” гэцгээж байна уу. Тэгж л байг. Тэгж ярьвал ажил хийсэн хүн ам тостдог хорвоо шүү дээ хө. Ирэх хавар Хөвсгөлийн хэдэн сумаар 

халтуур хийж ямаа самнана аа яадаг юм бэ. Мөнгө чинь зүгээр сууж байхад хармаанд ороод ирдэггүй л байхгүй юу даа.

 

 

 

 

Тийм ээ би этгээд хүн. Тэгэхдээ тэнэглэлийн туйл болж маяглахгүй. Яадгийм би зураг авах дуртай. Ер нь ингэхэд өвөл яагаад хулдаасан хаалгатай машин унаж болдоггүй юм. Эмнэлэгт хэвтсэн ч гангарна би, ээжийн хайртай хүү мөн гэдгээ ч нотолно доо хө. 

 

 

 

 

Хэдэн мал минь буянтай сайхан өсч байна аа. Хүмүүс ямаа, тэмээг хүйтэн хошуутай мал энэ тэр гэж л байдаг юм. Миний хувьд хүйтэн байна уу, халуун байна уу мал л бол мал. Нээрээ ингэхэд ботгоны хошуу хүйтэн юмуу, халуун байдаг юмуу гэдгийг хошуугаа нааж үзээд мэдчихье байз. 

 

 

 

 

Амарч, ажиллаж сураагүй муусайн юмнууд “Бат-Үүл төсвийн мөнгөөр тансаглаж байна” энэ тэр гэж л байна лээ. 

Яадгийн би тансаглана, яаж амрахаа Амарбаясгалан мэтийн бацаануудаар заалгахгүй. 

Тэгж ярьвал ямар мөнгөтэй, ямар царай зүстэй хотыг яаж хөгжүүлж, хэрхэн баяжуулж байгааг та нар энэ насандаа ч ухаарахгүй, мэдэв үү.

 

 

 

 

Хөөх энэ чинь ёстой аятайхан цэвэрхэн тос байна шүү дээ. Та нар яг өөрсдөө хийсэн нь үнэн юм уу. 

Оросоос оруулаад ирсэн юм биш биз. Би нэг жаахан улаан буудай оруулаад ирсэн чинь ёстой барьж идэх гэж байсан шүү дээ. Хүүе та нар өөрсдөө хийсэн юм бол сайддаа ганц хоёрыг бэлэглэнэ биз дээ.