Нийгэм
・Нийтэлсэн:
Мэргэн охин
・
2016 03 сар 23
・ 16
Туркийн элчин сайдын яамны ажилтан Мустафа Фахри Монгол охидын амьдралаар тогложбайгаа талаар бид өмнө нь мэдээлсэн. Бид энэ мэдээллийн дагуу манайд хандсан уншигч болон Мустафа Фахри нараас тодруулснаа хүргэж байна.
Исламын шашинд нэг хүн дөрвөн эхнэртэй байхыг зөвшөөрдөг. Тиймээс Туркийн элчин сайдын яамны ажилтан Мустафа Фахри Монголд нэг биш эхнэр авч, хамтран амьдарч байгаад салсан тухай нэгэн уншигч манайд мэдээлсэн юм.
Өөрөөр хэлбэл эх нутагтаа эхнэр хүүхдүүдтэй ч гэсэн шашинд нь дөрвөн эхнэртэй байж болно гэж заасан болохоор Монголоос эхнэр авч бүсгүйчүүдийн амьдралаар тоглож байна гэдгийг хэлсэн. Мустафагийн “хохирогчдын” нэг нь Дорнод аймгийн эгэл жирийн Зулаа гэх охин юм. Зулаа нутгаасаа гарч Улаанбаатар хотод ажил амьдралаа эхлүүлээд удаагүй байх үедээ Туркийн элчин сайдын яамны ажилтан Мустафа Фахри гэгчтэй танилцаж дотноссоор нэг гэрт амьдарч эхэлжээ. Хамт амьдарсан жил гаруй хугацаанд Мустафаг эх нутагтаа эхнэр, хүүхдүүдтэйг мэдсэн байна. Үүгээр ч зогсохгүй хайрлаж хүндэлж, итгэж найдаж байсан Мустафа нь Сараа гэгч эмэгтэйтэй мөн холбоотой нь тодорхой болсон байна.
Харин энэ талаар Мустафа Фахри арай өөр тайлбар өгсөн. “Би ядарсан, хоолгүй, орох оронгүй оюутнуудад л тусалдаг. Монголд ирээд буяны ажил олныг хийсэн. Намайг олон ч хүн танина. Энэ мэдээллийг уншсаны дараа надад үнэхээр хэцүү байсан. Намайг таньдаг хүмүүс хүртэл гайхсан байх. Зарим нь энэ ийм хүн байсан юм уу? гэхэд зарим нь худлаа байлгүй дээ л гэж ярьж байсан.
Зулаа гэдэг охиныг та нар эхлээд судлаад үзээрэй. Намайг ийм буяны ажил хийдэг мөнгөтэй гэдгийг мэдсэн болоод ч юм уу? Надаас тусламж хүссэн. Надад амьдрах газар алга, хоол унд алга, хэцүү байна гэж. Би угаасаа ядарсан оюутнуудад тусалдаг хүн. Эхлээд би тусалсан сүүлдээ надаа байрны мөнгө өг, тийм юм хэрэгтэй болчихлоо, мөнгө хэрэгтэй байна, хоол дуусчихлаа гэж байнга залгадаг, ирдэг болсон. Хоол хүнс дуусчихсан хэцүү байна хүрээд ир гэхэд нь би хүнээр явуулах тухай хэлэхэд эсэргүүцсэн. Тэгээд би нэг л удаа гэрт нь хоол хүнс аваачиж өгсөн. Бас гэрт хулгай орсон байна, цонх хагарсан, айгаад байна гэхээр нь цагдаад дуудлага өгөөд би цагдаатай хамт очиж байсан.Сараа гэх эмэгтэй надтай ямар ч холбоогүй. Монголоос Турк руу 50 оюутан явуулсан тэрний нэг. Сүүлд Туркт очсоныхоо дараа нөхөртэй болсон гэж нэг удаа ярьсан.
Мустафа Фахри гэгчтэй нэр холбогдоод байгаа Сараагийн хувьд хүүхэдтэй, бэлэвсэн бүсгүй гэнэ. Сарааг сургах нэрээр түүнтэй дотноссон гэдгийг учир мэдэх нэгэн нь ярьдаг.
Зулаагийн хувьд Мустафад Фахрид зодуулж байсан ч цагдаагийн байгууллагад хандаагүй гэнэ. Учир нь Мустафа зохицох санал гаргаж байсан тул хайр сэтгэлийн холбоогоо бодож хуулийн байгууллагад хандаагүй ажээ. Харин тэдний дунд үл ойлголцол байгаа учраас цагдаа, шүүхийн байгууллагад хандаад байгаа. Маргаан эцсийн байдлаар шийдвэрлэгдээгүй байгаа гэнэ.
Энд зөвхөн Зулаа, Сараа гэх Монгол бүсгүйчүүдийн нэр гарсан. Үүнээс гадна 1-2 бүсгүй Мустафа Фахрид итгэл сэтгэл, амьдралынхаа тодорхой цаг хугацаагаар тоглуулсан гэх мэдээлэл бий. Мустафа тэдэнд тусална гэж байгаад мөн л итгэл найдвар төрүүлэх замаар дотноссон ажээ
Эх орондоо харь эрийн зугаа цэнгэл, бэлгийн дур хүслийг хангаж, итгэл сэтгэл, биеэрээ хохирч болзошгүйг бүсгүйчүүддээ сэрэмжлүүлж байна. Хүнийг таних цаг хугацаа хэрэгтэй байдгийг ухаарч, аливаад хөнгөн хандахгүй байхыг охид бүсгүйчүүдэд анхааруулж байна.
мэдээллийн эх сурвалж сайт: www.Dorgio.mn
Манай сайт танд таалагдаж байвал LIKE хийгээрэй. Танд баярлалаа.