Жүжигчин Б.Амарсайханы “Би юу хийчих вэ” бичлэг цацагдсаны дараа олон нийтийн анхаарлын төвд ороод байсан. Энэхүү бичлэгт Монголын нийгэм, эдийн засгийн өнөөдрийн бодит байдлыг хурц тодоор шүүмжилсэн юм. Үүнтэй холбоотойгоор өмгөөлөгч Б.Батбаяр жүжигчин Б.Амарсайханыг Сүхбаатар дүүргийн цагдаагийн нэгдүгээр хэсэгт шалгуулах гомдол гаргаснаа мэдэгдсэн удаатай.

Өмгөөлөгч Б.Батбаяр жүжигчин Б.Амарсайханы энэ үйлдэл нь сонгуулийг будлиантуулж, төрийн эрхийг хууль бусаар авах гэсэн санаа зорилго агуулж байгаа тул 15-20 жилийн ялтай хэмээн хэвлэлд ярилцлага өгөөд байсан билээ. Тэгвэл энэ сарын 04-нд Сүхбаатар дүүргийн цагдаагийн хэлтэст жүжигчин Б.Амарсайханыг дуудаж, байцаалт авсан юм.

Тэгвэл олны анхаарлын төвд ороод байгаа хүмүүсийг нэвтрүүлэгтээ урьж оролцуулдаг уламжлалтай "Цензургүй яриа" нэвтрүүлгийн хөтлөгч Л.Мөнхбаясгалан жүжигчин Б.Амарсайханыг нэвтрүүлэгтээ уриад байгаа талаараа мэдээлсэн.

Гэтэл өчигдөр жүжигчин залуу 21:00 цагт C1 телевизийн  "Цензургүй яриа" нэвтрүүлэгт оролцоод бүтэлгүйдсэн байна. Тэрбээр энэ талаараа “ 2016 оны тавдугаар сарын 09-ний 21:00 цагт C1 телевизийн сэтгүүлч Л.Мөнхбаясгалангийн хөтлөн явуулдаг "Цензургүй яриа" нэвтрүүлэгт оролцох урилга хүлээн авч ирлээ. Гэвч тус телевизийн захирал намайг уг нэвтрүүлэгт оролцуулах боломжгүй гэснийг сэтгүүлч нь хэллээ. Учир шалтгааныг нь тайлбарласангүй... 2016.05.09 20:00” гэх өөрийн фэйсбүүк хуудсандаа бичсэн байна.