Эдийн засаг
・Нийтэлсэн:
Мэргэн охин
・
2016 08 сар 15
・ 13
Б.БАРС
“Монгол Улс эдийн засгийн гүн хямралд орсныг Сангийн сайд нь мэдэгдлээ”, “Монголын Сангийн сайд тус улсад өр төлөлтийн дефолт нүүрлэснийг хүлээн зөвшөөрөв”, “Б.Чойжилсүрэн Монголын Засгийн газрын өр таван тэрбум долларт хүрснийг дэлгэжээ”, “Монголбанкны мэдэгдэл тус улсаас гадаадын хөрөнгө оруулагчдыг үргээж эхлэв”, “Монголын өрийн бичиг найдваргүй зээлийн зэрэглэлд шилжиж болзошгүй”, “Б.Чойжилсүрэн Монгол Улс эрүүл мэнд, батлан хамгаалах салбараа санхүүжүүлж чадахгүйд хүрэх аюул нүүрлэсэн гэв”.
“Монголын Сангийн сайд тус улсын төсвийн алдагдал 2.6 тэрбум доллар буюу ДНБ-ий 21 хувьд хүрнэ гэв”, “Монголын Засгийн газрын Евробондын ханш зургаан жилд үзэгдээгүйгээр огцом унав”, “Монголын төгрөг дэлхийн 140 үндэсний валютаас ханш уналтын хурдаараа эхний гуравт бичигдэх боллоо”, “Хөгжиж буй орнуудын өрийн бичгүүдээс Монголынх үнэгүйдлээрээ рекорд тогтоов”...
“Bloomberg”, “Business Insider”, “Financial Times”, “Wall Street Journal” гээд дэлхийн тэргүүлэх бизнес, эдийн засгийн мэдээллийн бүхий л хэрэгслээр өнгөрсөн долоо хоногийн турш манай орны тухай иймэрхүү таагүй мэдээлэл олноор цацагдсан билээ.
УИХ-ын сонгуульд үнэмлэхүй ялалт байгуулж төрийн эрх барих болсон МАН-ын мэргэжлийн гэгдсэн Засгийн газар өнгөрсөн хоёр сар шахам хугацаанд хийсэн анхны томоохон “ажил” нь дэлхий даяар улс орноо дампуурч буйг тунхаглан зарласан явдал болох шив. Уг нь эсрэгээр, хямралыг даван туулах арга замыг тодорхойлсон хөтөлбөр боловсруулж танилцуулах учиртайсан. Улс оронд нүүрлэсэн хямралтай бүхий л нөөц бололцоог ашиглан тэмцэхийн оронд шууд цагаан туг өргөн бууж өгдөг ийм Засгийн газраас ойрын дөрвөн жилд ард түмэн чухам юу хүлээх болж байна аа.
Үргэлжлэлийг эндээс уншина уу
Манай сайт танд таалагдаж байвал LIKE хийгээрэй. Танд баярлалаа.