Чингэлтэй дүүргийн Иргэдийн Төлөөлөгчдийн Хурлаас иргэд, хүүхэд, залууст байгаль дэлхийгээ хайрлах үзэл төлөвшүүлэх, Чингэлтэй хайрханыг ойжуулах зэрэг иргэдийн оролцоотой бүтээлч ажил өрнүүлэх зорилготойгоор төрийн тусгай хамгаалалттай Чингэлтэй хайрханд хүндэтгэл үзүүлэх, дүүргийн тугийг цэнгүүлэх тухай журам баталсан. Үүний дагуу дүүргийн Засаг дарга, Засаг даргын Тамгын газраас Чингэлтэй хайрханд хүндэтгэл үзүүлэх, дүүргийн тугийг цэнгүүлэх арга хэмжээг 2016 оны 10 дугаар сарын 2-нд буюу Намрын адаг сарын Шинийн 1-ны билигт сайн өдөр зохион байгууллаа.