Монгол, Хятадын хилийн авто замын боомтууд энэ сарын 29-ний өдөр болон ирэх 2017 оны нэгдүгээр сарын 1-ний өдөр тус тус ажиллахгүй, амарна гэж Гадаад харилцааны яамнаас мэдээллээ. Дээрх өдрүүдэд бүх нийтийн амралтын өдөр тохиож буй учраас хилийн боомт тэдгээрийн дэглэмийн тухай хэлэлцээрийн 4.3-т заасны дагуу хилийн боомтууд амрах юм.

Харин эдгээр өдрүүдэд олон улсын галт тэрэг болон нисэх онгоц хуваарийн дагуу зорчих юм байна. Бусад өдрүүдэд 2016 онд БНХАУ-тай тохиролцсон хуваарийн дагуу ажиллах юм.