Нийгэм
・Нийтэлсэн:
Мэргэн охин
・
2016 12 сар 22
・ 26
Монгол улсад үйл ажиллагаа явуулж буй Туркийн хөрөнгө оруулалттай компани, аж ахуй нэгжүүдийг хаах тухай асуудал яригдаж байгаа. Учир нь, өнгөрсөн долдугаар сард болсон Турк улсад төрийн эргэлт хийх оролдлого бүтэлгүйтсэнээс хойш төрийн эргэлтийг зохион байгуулсан гэгдэж буй Фетулла Гуленаар удирдуулсан хөдөлгөөнийхөн идэвхжиж, дэлхийн улс орнуудад хэдэн арван кампанит ажиллагаа явуулж эхэлсэн байна. Мөн дэлхий даяар ажиллаж амьдарч буй турк сургуулиудын багш нарыг тус улсын одоогийн ерөнхийлөгч Режип Тайип Эрдагоны эсрэг байр суурьтай лалын шашны номлогчид гэдэг юм байна.
Эдгээр багш нар Эрдагоны эсрэг суртал ухуулга дэлхий даяар тарааж байна хэмээх хардлага төрж байгаа аж. Тиймээс Туркийн засгийн газраас дэлхийн бүх улс оронд буй турк сургуулиудыг “Боловсролоо хямдхан худалдахгүй” хэмээн хааж эхэлжээ. Монгол дахь турк сургуулиуд нь тус улсын Ерөнхийлөгч Эрдагоны эсрэг номлол явуулж, төрийн эргэлт хийхийг завдсан Ф.Гуллен гэгч этгээдийн үүсгэн байгуулсан сургуулиудын нэг гэж Түркийн хэвлэлд онцолсон байна.
Түүнчлэн дэлхийн орнуудад Ф.Гулленд хамаарах 3000 сургууль, шашны болон буяны байгууллага байдаг. Эдгээрийн тоонд багтах Монгол дахь сургуулиудыг хаахыг Туркийн Үндэсний Боловсролын яамны Төрийн нарийн бичгийн дарга Юсуф Тэкин өнгөрсөн сарын 13-нд Монголд айлчлах үеэрээ хүсчээ.
Гэтэл одоогийн байдлаар манай улсад буй Түрк сургуулиуд хаагдаагүй байна. Яагаад гэхээр тухайн сургуулиуд хувийн хөрөнгөөр боссон, өндөр төлбөртэй, ашгийн сургуул гэдэг тайлбар хэлээд, Түркээс ирж буй дарамт шахалтыг эсэргүүцэж байгаа юм байна. Ер нь бол Түркүүд нэлээд хэрцгий байдлыг олон улсад харуулж байна. Түрк Оросын харилцаа улам сөрөг болж өчигдөр гэхэд л ОХУ-ын элчин сайдыг Түрк цагдаа буудан хороолоо.
Үүнээс гадна манай улсад үйл ажиллагаа явуулж буй Түрк сургуулиуд маш өндөр төлбөртэй, дунджаар жилийн долоон сая төгрөгийн төлбөртэй байдаг. Мөн сурагчдыг дотуур байранд вакумжуулсан орчинд амьдруулдаг. Байрны төлбөр нь мөн тусдаа. Тэнд нь мөн л Түрк хүний характерыг илтгэх мэт хэрэг гарч байна.
Тодруулбал “Улаанбаатар эмпати” Турк сургуулийн сурагч хүү дээд ангийнхаа хөвгүүний хоолойг шилээр зүсч, амь насыг нь хороохыг завджээ. Учир нь насны ялгаа, ангийн зөрүү гаргаж, дарамталдаг байдал тус сургуульд их гардаг байна. Тэгээд ч тус сургууль гэхэд л 20 гаруй Турк багштай юм билээ. Турк багш нар монгол хүүхдүүдэд ямар хичээл заадаг, монгол хүүхдүүдийг хэрхэн яаж хүмүүжүүлдэг юм бол. Энэ мэт хэрцгий байх зан чанарт сургадаг юм биш биздээ. Ямартай ч холбогдох байгууллагууд хүүхдийн асуудлыг шалгахаас илүүтэйгээр багш нарын ёс зүй, хэрхэн хүүхэд сургадаг, ямар мэргэжил боловсрол ёсзүйтэй, юу хийж, яаж амьдардаг Туркүүд монголын хүүхдүүдэд боловсрол олгоод байна гэдгийг сайтар шалгах хэрэгтэй байх. Ер нь Турк сургуулиудыг хаана гэдэг нь зөв байсан юм биш үү.
Г.Наран
Манай сайт танд таалагдаж байвал LIKE хийгээрэй. Танд баярлалаа.