Нийгэм
・Нийтэлсэн:
Мэргэн охин
・
2017 01 сар 02
Хөшигийн хөндийн олон улсын шинэ нисэх онгоцны буудлын барилгын ажлыг Японы “Жайка”-гийн санхүүжилтээр 2013 оны зургадугаар сард эхлүүлсэн байгаа билээ. Барилгын ажилд Японы “Азуса Секкей, Ориентал Консалтантс” компаниуд зөвлөхөөр, мэргэжлийн япон инженерүүд хяналт тавин ажиллажээ. Харин туслан гүйцэтгэгчээр “Самсунг Си энд Ти” компани ажилласан байна. Гурван жил гаруй хугацаанд үргэлжилсэн уг бүтээн байгуулалтын ажил дуусч, өнөөдөр улсын комисст хүлээлгэн өгөхөөр болсон ажээ.
Улсын комисс өнөөдрөөс эхлэн 10-ныг хүртэл ажиллах юм байна. Шинэ нисэх буудлыг хүлээж авсан даруйдаа ашиглах боломжгүй юм. Учир нь, Монголын талын санхүүжилтээр ачаа тээврийн тирминал, нисэх онгоцны буудлын захиргааны барилга, засвар үйлчилгээний газар гэсэн гурван барилга барих ёстой юм. Тус гурван барилгын ажлыг ирэх онд дуусгаж ашиглалтад оруулах ажээ.
Манай сайт танд таалагдаж байвал LIKE хийгээрэй. Танд баярлалаа.