Улстөр
・Нийтэлсэн:
Мэргэн охин
・
2017 01 сар 28
・ 16
АН-ын даргад нэр дэвшиж буй алдарт Н.Алтанхуяг шалгагдсаар байна. АТГ түүнийг мөрдөн байцаалтад саад учруулсан гэж хүртэл буруутгаад эхэлчихлээ. Тодруулбал түүнийг мэдүүлэг өгөхөөр ирэхдээ хэвлэл мэдээллийн байгууллагууд болон ард иргэдийг турхиран авчирч бусдад буруу, ташаа мэдээлэл өгч буй нь хууль бус үйлдэл гэжээ.
Н.Алтанхуягийн шалгагдах болсон шалтгаанаас дурдвал түүний дүү Н.Наранцэцэг, Ц.Насанбат нарыг хууль бус тендерийн хэрэгт сэжигтнээр татсан. Уг хэрэгт авлигатай тэмцэх газрын Мөрдөн шалгах хэлтсээс мөрдөн байцаалтын ажиллагаа явуулж байгаа бөгөөд хэрэгт Боловсрол Соёл шинжлэх ухааны яам, зарим дүүргийн Тамгын газраас зарлан явуулсан нийт 4.2 тэрбум төгрөгийн санхүүжилт бүхий тендер хууль бусаар явагдсан байдаг ажээ.
Тиймээс дээрх мөнгөтэй холбогдуулан Н.Наранцэцэг, Ц.Насанбат нарын зэрэг хүмүүсийг сэжигтнээр тооцож, цагдан хорих таслан сэргийлэх арга хэмжээг авсан байна.
Ц.Насанбатын нөхөр нь Ерөнхий сайд асан Н.Алтанхуягийн төрсөн эгчийн хүү, харин Н.Наранцэцэг нь түүний төрсөн дүү ажээ.
Мөн Ерөнхий сайд асан Н.Алтанхуягийн ахлах зөвлөх Л.Гансүхэд холбогдох хэргийг АТГ мөрдөн байцааж, шүүх гэм бурууг нь тогтоосон. УИХ-ын гишүүн Н.Алтанхуягийн зөвлөхөөр ажиллаж байсан М.Тулгыг “Багануур” ХК-тай нүүрс худалдах гэрээтэй холбогдуулан шалгах болсон байдаг. , худалдан авах гэрээ байгуулан ажиллаж байсан “MGL SB”, “MGL SBD” ХХК-ий хэргийг
2012 онд БСШУЯ-наас зарласан,Сонгинохайрхан дүүргийн 11 цэцэрлэгийн гаднахыг тохижуулах тендер, Нийслэлийн ЗДТГ-аас зарласан, мөн дүүргийн XIII хорооны IX байрны гаднах талбайг тохижуулах тендер, тус дүүргийн Тамгын газраас зарласан 19 байршил дахь гадна талбайг тохижуулах тендер зэрэг нийт дүнгээр дөрвөн тэрбум гаруй төгрөгийн үнэ бүхий тендерт “Алтан тэнгэр”, “Ар дааган” ХХК зэрэг хэд хэдэн аж ахуйн нэгж хууль бусаар шалгарчээ. Энэ компаниуд бүгд Н.Алтанхуягийн эгч, ах дүү, туслахынх нь найзууд зэрэг хүмүүсийнх байсан аж. Тиймээс Н.Алтанхуяг энэ мэт олон асуудалд орооцолдон шалгагдаж байгаа. Тэгэхээр түүнийг юу гэж ойлгох уу, улсын ажлыг хувийн өмч мэт үзжээ гэж хэлж болох нь уу. Гэтэл энэ хүн одоо намын даргад өрсөлдөөд явж байдаг. Улстөрийн том албан тушаалд очоод гэр бүлийнхээ төлө өажилладаг энэ мэт хүмүүсээс болж манай улс ядуу орны тоонд орж байна уу.
Г.Наран
Манай сайт танд таалагдаж байвал LIKE хийгээрэй. Танд баярлалаа.