Нийгэм
・Нийтэлсэн:
Мэргэн охин
・
2017 03 сар 22
Хөвсгөл аймгийн хэмжээнд мэрэгч амьтан, зэрлэг амьтадаас халдварч өвчин мал, амьтанд халдах тохиолдол нэмэгдэж галзуугийн тохиолдол 5 суманд 10 удаа бүртгэгджээ. Хөвсгөл аймгийн Их-Уул сумын Шивээ багийн “Ховолж” гэдэг газар иргэн Г-ийн адуу халдварт өвчний шинж тэмдэгтэй өвчилсөнийг, дээж авч аймгийн мал эмнэлэг ариун цэврийн лабораторид шинжлүүлэхэд “Галзуу” өвчин болох нь тогтоогдсон учраас хорио цээрийн дэглэм тогтоожээ. Тус сумын нутаг дэвсгэрт галзуу өвчний шинж тэмдэг бүхий хоёр чоно байгаа учраас халдварт өвчнөөс урьдчилан сэргийлэх зорилгоор хууль хяналтын байгууллага орон нутагтай хамтран устгах арга хэмжээ зохион байгуулахаар болжээ. Мөн тус аймгийн Галт сумын Зүрх багийн “Саглагар” гэдэг газар малчин Ц-гийн үхэрт малын халдварт өвчний шинж тэмдэг илэрсэн тул, дээж авч шинжлүүлэхэд хариугаар “Галзуу” өвчин болох нь тогтоогдоод байгаа ажээ.
Манай сайт танд таалагдаж байвал LIKE хийгээрэй. Танд баярлалаа.