Нийгэм
・Нийтэлсэн:
Мэргэн охин
・
2017 04 сар 06
・ 4
Сэлэнгэ аймгийн Мандал суманд 42 настай эхнэрээ онц хэрцгийгээр хөнөөсөн хэрэг гарчээ. Талийгаач эмэгтэйн нөхөр У нь 44 настай, Сэлэнгэ аймгийн онцгой байдлын 19-р ангийн алба хаагч байсан ажээ. Түүнийг Эрүүгийн хуулийн 91-р зүйл анги буюу хүний амь насыг санаатай хөнөөсөн гэмт хэрэгт холбогдуулан саатуулан шалгаж буй юм байна.
Сэжигтэн У нь Мандал сумын төв Зүүнхараад үйл ажиллагаа явуулдаг цэрэгжсэн байгууллагуудын дунд болсон марш тактикийн тэмцээнд оролцсон байна. Улмаар тэмцээн тарсны дараа сэжигтэн У нь цэргийн баяр тэмдэглэн хамт олонтойгоо архидан согтуурчээ.
Мөн өдөр хохирогч эмэгтэй С нь ажлынхантайгаа цэргийн баяр тэмдэглэн гадуур гарч, шөнийн 01:00 цагийн орчимд гэртээ хариад зодуулж амиа алдсан байгаа юм.
С нь Мандал сумын Хэрх багийн нутагт байрлах дунд сургуулийн нийгмийн ажилтнаар ажилладаг байсан аж. Нөхөр нь түүнийг 20 гаруй хутгалж алсан байжээ.
Г.Нар
Манай сайт танд таалагдаж байвал LIKE хийгээрэй. Танд баярлалаа.