Сүхбаатар аймгийн ИТХ 33 суудалтай бөгөөд МАН 17, АН 16 суудал авч хүч тэнцүүхэн болжээ. Тэнцүүхэн шахам суудал авсан намууд аль нэгийгээ хүлээн зөвшөөрөлгүй маргасаар өнөөг хүрсэн байна.
Намуудын үл ойлголцлоос болж иргэд хохирох ёсгүй тул намууд зөвшилцөхөөр болжээ. Ингээд 5-р сарын 20-ны өдөр МАН-ын нарийн бичгийн дарга Ц.Бат-Энх, АН-ын Ерөнхий нарийн бичгийн дарга Ц.Туваан, Сүхбаатар аймгийн МАН-ын хорооны дарга З.Энхтөр, Сүхбаатар аймгийн АН-ын хорооны дарга М.Идэрбат нар хамтарсан зөвшилцөлд хүрч, санамж бичигт гарын үсэг зуржээ. Хоёр зүйлтэй тус санамж бичиг байгуулсан өдрөөсөө хүчин төгөлдөр мөрдөгдөж эхэлсэн байна.