Нийгэм
・Нийтэлсэн:
Мэргэн охин
・
2017 07 сар 17
Өнөөдрийн байдлаар Сэлэнгэ аймагт 8 түймэр байгаагаас Ерөө суманд 3, Мандал суманд 3, Хүдэр суманд 2, Төв аймагт 10 түймэр байгаагаас Батсүмбэр суманд 6, Эрдэнэ суманд 2, Төв аймгийн Эрдэнэ суманд гарсан автомашин, техник хүрэлцэн очих боломжгүй газарт 2 түймэр, Булган аймагт 2 түймэр байгаагаас Сэлэнгэ суманд 1, Увс аймгийн Малчин суманд 1, нийт 14 түймэр асаж байна.
Үүнээс Булган аймгийн Гурванбулаг суманд гарсан 1, Төв аймгийн Батсүмбэр сумын 6 түймэр нийт 7 түймрийг цурманд оруулж, бүрэн унтраахаар ажиллаж байгаа аж.
Түймрийг унтраахаар Онцгой байдлын байгууллага, Зэвсэгт хүчний анги, нэгтгэлээс нийт 754 албан хаагч, 57 автомашин, орон нутгаас 592 хүн, 52 автомашин, 1346 хүн, 109 автомашинтай техник хэрэгсэлтэй түймрийн голомтод үүрэг гүйцэтгэж байна.
Цаг уур, орчны шинжилгээний хүрээлэнгээс ирүүлсэн мэдээгээр Сэлэнгэ аймгийн Ерөө сумын түймрийн голомтод 0.9 мм хур тунадас 01:00 цаг, Хүдэр суманд 0.3 мм хур тунадас 20 минут, Мандал суманд 4 мм хур тунадас 20 минут, Төв аймгийн Батсүмбэр суманд 0.5 мм хур тунадас 20 минут, Эрдэнэ суманд 0.9 мм хур тунадас 20 минут, Булан аймгийн Сэлэнгэ суманд 0.7 мм хур тунадас 01.00 цаг, Гурванбулаг суманд 1 мм хур тунадас 20 минут тус тус оржээ. Мөн хангайн уулархаг бүс нутгаар өнөөдөр хур тунадас орох төлөвтэй байнагэж Онцгой байдлын ерөнхий газраас мэдээллээ.
Манай сайт танд таалагдаж байвал LIKE хийгээрэй. Танд баярлалаа.