“Шийдлийн” Засгийн газрын тэргүүн Ч.Сайханбилэг эдийн засаг, бас дахин эдийн засгийг анхаарч ажиллах амлалт өгснөөс хойш 20 гаруй хоног өнгөрөөд байна. Гэсэн ч танхимын бүтэц эцэслэн тодроогүй нам эвслүүд дэд сайд, Төрийн нарийн бичгийн даргын томилгоон дээр үл ойлголцсоноос үүдэн өчигдөр УИХ-ын чуулган хагас хугасхан хуралдан төсвийн тодотголыг халтуурдав.

Сайдын суудал ярихаараа 76-уулаа цуглаж, шө­нө дөл болтол хэрэлддэг тэд ал­дагдалтай баталсан улсын төсвөө засч зал­руулах талаар яарч байгаа шинж алга. Хуралдаа ирэхгүй, өрөө өрөөндөө фрак­ци фрак­циараа цуглачихаад “төсөв цаа­шаа, сайдын суудал наашаа” хэмээн шантааж хийв.

Уг нь он гарахаас өмнө уул уурхайн асуудлаар нэгдсэн шийдэлд хүрч чадвал 2015 онд учирч болзошгүй эдийн засгийн хүнд­рэлтэй байдал, төсөвт ирж болох да­рамт, эрсдлээс ангижрах боломж бай­сан ч харамсалтай нь манай гишүүд эдийн засгийн хүндрэл бэрхшээлтэй асууд­лыг ойшоож үзэхгүй байгаа нь энэ мэт жишээнээс тод харагдлаа.

Гэ­тэл гадныхан Монгол Улсын эдийн за­сагт үнэлэлт дүгнэлт өгч, ирэх онд Мон­гол Улс юуг анхаарч, ямар сал­бараа дэмжих ёстой вэ гэсэн дүгнэлт гар­ган эрхэм гишүүдийн ажлыг хийж суу­на. Засгийн газраа унагачихвал бүх зүйл сай­хан болчихно. Н.Алтанхуяг л ул­сын эдийн засгийг унагаж, улс орны хувь заяаг дампууруулж байна хэмээн улс­төр­­жиж байсан МАН ч нөхцөл байдал хүнд­хэн байгааг хүлээн зөвшөөрч өрөө нэ­мэг­дүүлэхээс өөр гарц алга гэдэгт санал нэгджээ.

Тэдний хэлж бай­санч­лан Н.Алтанхуягийн танхим огцроод амьд­рал сайжирсангүй, харин ч суудлаа олохгүй дээдсийн дүйвээнээр ард түмэн сөхөрч туйлдаж эхэллээ. “Шийдлийн” хэ­мээн нэрийдсэн Үндэсний эв нэгдлийн Засгийн газар байгуулагдсан ч Монгол Улсын зээлжих зэрэглэл “В+” хэвээр үлдэж, инфляци нь хоёр оронтой, 2017 оноос эхлэн төлөгдөж эхлэх том том зээ­лүүдийн тоог дурьдаж, цаашлаад банк­ны чанаргүй зээл нэмэгдсэн гэдгийг са­нуулсан нь улстөрчдөд маш том сигнал бо­лох учиртай. Та бүхэнд гарц олдохгүйд хүр­чээ. Одоо хэрхэх вэ гэдгийг тэд асууж бай­гаа хэрэг.

Харамсалтай нь эхлээд бялуу­гаа хуваагаад хүртчихье, дараа нь өр тавиад асуудлаа шийдчихнэ гэсэн гэнэн, гэгээн мөрөөдөл парламентын хэдээс маань салахгүй байгаа нь харамсалтай. Бие даагч гишүүдийн хэлж буйгаар Зас­гийн газар 320 тэрбумын үнэт цаас гаргах бэлт­гэлээ базааж байгаа нь үнэн болж, өчигдрийн чуулганаар үнэт цаас гаргалаа. Гэвч бидэнд өр зээл тавьж бусдаас гуйлга гуйхгүйгээр га­даад хөрөнгө оруулалтаа нэмэгдүүлж, ул­сын төсвийн алдагдлаа цэгцлээд ха­лаасаа жаахан хумиад амьдрах боломж бай­на. Оюутолгойгоо урагшлуулчихвал ул­сынхаа нэр хүндийг баран байж гуйлга гуйх шаардлага ч алга. Тухайлбал, манай ул­сад Олон улсын валютын сангийн тө­лөө­лөгчид ирж ажиллан, эдийн зас­гийн байдалд үнэлгээ хийж, ирэх оны төлөв, хандлага ямар болох талаар тө­сөөлөл, тооцоонуудаа шинэчилжээ.

Тус байгууллагын тооцоогоор ирэх онд эдийн засаг 5.4 хувиар өсөхөөр байгаа бол инфляци 8.4 хувь болж 3.2 пунктээр буу­ра­хаар байгааг харж болно. Эдийн засагт байгаа нийт мөнгөний нийлүүлэлт 16.5 хувьтай даруухан төвшинд байх бол га­даад худалдаа 800 гаруй сая ам.долларын ашигтай гарахаар төсөөлөгдсөнийг харж болно. Мөн төлбөрийн баланс энэ оны эцэст 1 тэрбум долларын алдагдалтай гарахаар байгаа ч, ирэх онд алдагдлын хэмжээг 5.5 дахин бууруулж, 188 сая ам.доллар байхаар таамаглажээ.