Нийгэм
・Нийтэлсэн:
Отгонхүү
・
2014 12 сар 21
・ 1
Шударга өрсөлдөөн хэрэглэгчийн төлөө газрын дарга О.Магнай өөрийн твиттер хуудсанд “Бензиний үнэ нэгдүгээр сарын 1-нээс буурах ёстой. Үгүй бол миний чадал хүрээгүй гээд ажлаа өгнө” гэжээ. Зоригтой л дуугарсан байна.
Гэхдээ шатахууныг Монгол руу яаж шахахаа Оросууд мэднэ. Бас түүхий нефтийнхээ оронд Хятадаас авч байгаа тус улсын төрийн өмчит компаниудын амыг харахаас аргагүй. Ер нь бид шатахуунаа өөрсдөө хийж чаддаг болтлоо бусдын гар харж сууна. Ингэсээр ч ирсэн. Хэдэн жилийн өмнө Ерөнхий сайд асан С.Баяр Оросын нефтийн акулуудын эрхшээлд орж, Монголдоо Оросын 100 шатахуун түгээх станц ажиллуулах гэрээний тухай яриад тууж явсан. Тэгээд иргэдийн зүгээс баахан эсэргүүцэлтэй тулгараад энэ ажил нь зогссон. Оросууд манай оронд өөрсдөө орж ирээд шатахууны борлуулалтаа хийх гэсэн санаа нь ингээд мухардсан хэрэг л дээ. Тэд манайхыг энэ мэтээр олонтоо дарамталж байлаа. Өнөөдөр дэлхийн нефтийн үнэ харьцангуй буурч байгаа тул О.Магнай дарга Оросууд шатахууныхаа үнийг буулгах байх гэж таасан болов уу. Гэхдээ юу л бол, харж л байхаас...
Өнгөрсөн баасан гарагт Америкт нефтийн үнэ 4 орчим хувиар өссөн. Арабууд мөн иймэрхүү өсөлт ирж магадгүй гэсэн нь анхаарал татаж байна.
Б.Баяр
Эх сурвалж: Tumen.mn
Манай сайт танд таалагдаж байвал LIKE хийгээрэй. Танд баярлалаа.