“Шийдлийн” Засгийн газар байгуулагдсанаас хойш улс төрийн нам эвслүүд сайд, дэд сайд, Төрийн нарийн бичгийн дарга нараа томилох асуудлаар хоорондоо “цусгүй дайн” өрнүүлсээр л. Энэ дайн хоёр сар гаруй үргэлжилсэн ч төрийн нарийнуудаа ч бүрэн томилчихож чадаагүй сууна.

“Шийдлийн” Засгийн газарт 20 сарын хугацаа байгаа гэж тооцвол үндсэндээ бүрэн эрхийн хугацааных нь 1/10 хувь нь өнгөрчихөөд байхад халаа сэлгээтэйгээ зууралдсаар, салан задгай байдалтай сууцгааж байх. Төрийн нарийн гэдэг бол яамны гал тогоог хариуцдаг хамгийн чухал ал­бан тушаалтан байдаг. Гэтэл өнөөдрийг хүртэл томилж ча­даагүй сонгон шалгаруулалт нэрийн дор хор найруулж бай­гаа дуулдана. Зарим нэг Төрийн нарийн бичгийн ал­бан тушаал дээр ганц нэгхэн хүн зоочихоод, сонгон шал­гаруулалт гэсэн тайлбар хэлж суугаадаа дүгнэлт хийхсэн.

То­милж чадахгүй байгаа шалтгаан нь өнөөх л “намуудын зөвшилцөл”. Удирдлагууд нь томилогдсон “элэг бүтэн” яаманд ч гэсэн асуудал үргэлжилсээр. “Сайд нь төрийн на­рийндаа дургүй байгаа гэнэ”, “Төрийн нарийн нь сайдаа үл тоож байна”, “Газар хэлтсийн дарга нар “улс төрийн то­хироо нэрээр мэдлэг чадваргүй хүмүүс толгой дээр ирээд суу­чихлаа” гэж дургүйцэж байна” гэх мэт хов жив өрөөнөөс өрөөнд хэсүүчилсэн байдалтай болоод удлаа. Ядахад төс­вийн байгууллагын орон тоог 15 хувиар танах сургаар би хасагдах жагсаалтад орох болов уу, хэн томилгоонд орж, хэн нь гудамжинд гарах бол гэх айдсаасаа болоод төрийн албан хаагчид ажлаа хийж чадахгүй байгаа. Яамны халаа сэлгээ хэрээс хэтэрч, сайдын баг бүрдэх хүртэл дахиад хэдэн сарын хугацаа орохыг таах аргагүй.

Намаар ялгаварлагдаж ажлаас халагдсан ал­бан тушаалтнуудын тоо хэрээс хэтэрсэн. Н.Алтан­хуягийн үед ажилтай байсан хү­мүүс бүгд шахуу гудамжинд гар­сан учраас аргаа барсан экс сайд өөрийнхөө фракцийн ги­шүүн Ч.Сайханбилэгт шаардах би­чиг хүргүүлж, АН-ын бүлэг дээр асуудал болгон хэлэлцэж байх жишээтэй. “Шударга ёс” эвслийн бөөрөнд наалдаж өн­гөр­сөн гурван жил ажилтай бай­сан хэсэг бүлэг МАН засагт орс­ноор жийгдэж жирэмсэн, ээл­­жийн амралт, 15 хувийн цом­хотгол нэрээр ар араасаа аж­лаасаа хөөгдөж эхэлсэн уч­раас эвсэл хүртэл Засгийн газ­раас гарна гэх ээлжит шан­таажаа явуулахад хүрлээ.

Асуу­дал улам бүр хүчээ авч бай­на. Ха­лаг­­дах цэргийн вальс гэдэгч­лэн халагдах өдрөө хүлээж, твит­тер фэйсээр төр засгаа за­на­сан зүхсэн төрийн албан хааг­чид яамдаар дүүрчихэж. Ганц нэгхэн шинэ яамд ажлаа эм­хэнд нь оруулах гэж ажиллаж бай­гааг эс тооцвол халаа, сэл­гээ хийгдэхийг хүлээсэн, хол ойрын хов жив хутгасан хү­мүүс л байна. Н.Алтанхуяг Ерөн­хий сайд байхдаа УИХ-д өр­гөн барьсан Засгийн газарт бүт­цийн өөрчлөлт хийх хуулийн тө­сөлд яамдын тоог дөрвөөр буу­руулж, орон тоог 30 мянга хүр­тэлх тоогоор цомхотгоно гэ­сэн заалт байсан нь яамдыг нэг хэсэг сул зогсолт хийх шалт­гаан болсон юмдаг.