Сүүлийн үед хүнсний аюулгүй байдал гэдэг үг бүрэн утгаараа алдагдаж байгаа нь нууц биш ээ. Манай улс хүнсний бүтээгдэхүүнийхээ 70 хувийг гаднаас импортоор оруулж ирдэг.

Гэвч бидний өдөр тутамдаа хэрэглэж буй хоол хүнс бие организмд шаардлагатай шим тэжээлийг өгч чадахгүй байгаа, чанар аюулгүй байдал нь 0 заачихаад буй гэдгийг дээр дооргүй хүлээн зөвшөөрдөг. Хүнсний аюулгүй байдал алдагдах, бүтээгдэхүүний чанар, баталгааны хувьд  хангалтгүй байгааг албаны хүмүүс хэлдэг ч ямар арга хэмжээ авч буй нь бүрхэг байдаг юм. Тиймээс иргэд өөрсдөө л эрүүл мэнд нь заналхийлээд байгаа дэлгүүр, супермаркетуудаас татгалзах хэрэгтэй болоод байна. Учир ньНархан хотхоны зүүн талд байрлах “Home Plaza 2″ дэлгүүрээс нэгэн үйлчлүүлэгч 130 мянган төгрөгний олон төрлийн жимс худалдан авчээ. Авсан жимснүүдээ гэртээ очоод задалж үзэхэд бүгд муудсан байсан учир тус дэлгүүр лүү залгажээ.  Гэвч тус дэлгүүрийнхэн өөдөөс нь зүй бус авирлаж хэл амаар доромжилсон гэнэ.  Авсан бүх жимснүүд нь идэхийн аргагүй муудаж ялзарсан байгаагаас харахад тус дэлгүүр хүнсний аюулгүй байдал хангаж ажилдаггүйгээс гадна үйлчилгээ муу, иргэдийн эрүүл мэндэд аюул заналхийжээ.