Монгол Улсын эдийн засаг амаргүй цаг үеийг даван туулж ирлээ. Хөрөнгө оруулалт буурчихсан, хоёр толгойн хувь заяа хэрхэхийг шийдээгүй цаг үеийг бид хэ­рүүлтэй маргаантай, хямралтай даван туулж байгаа нь үнэн. Айл болгон л тансаг хэрэглээгээ та­наж, өдрийн цагаар Со­лонгос, Хя­тад ресторанууд үйлч­лүү­лэгчгүй суудаг цаг үе ир­жээ. Захын бараа лангуун дээ­рээ сар жилээр дарагдаж, сард хоёр Эрээнээс бараа татдаг байсан наймаачид хоёр сард нэг удаа явж чадвал орлоготой хэмээн өөрийгөө “тоох” болов. Төсвийн байгууллагын үрэлгэн зардал багасч, цалингаа ч та­вихад хэцүүхэн болов. Ганц нэгхэн гадны хөрөнгө оруу­лалттай хувийн хэвшлээс бу­сад нь бүгд л урд хормойгоо хойд талаараа нөхөн амьдарч бай­на.

Энэ бүхэн сүүлийн хоёр жилд болсон хямрал гэхээс илүүтэй уул уурхайн хэсэгхэн баялаг хараад урдах хойдохоо харалгүй галзуурч явсны балаг гэж дүгнэвэл илүү оновчтой. Оюутолгойн ил уурхайн ажил эхэлсэн 2011 онуудын үед бид дураараа дургиж, дунд чөм­гөөрөө жиргэж байв. До­тоодын хэдэн үйлдвэрийнхээ эд юмсыг чанаргүй, амтгүй, үзэмжгүйгээр нь голж, им­портын барааг тахин шүтэж “эр­гүүтсэн”. Гуравхан сая хүн амтай атлаа “Range Rover”-ийн борлуулалтаар дэлхийд номер нэгт бичигдэж, хамгийн тансаг бараа бүтээгдэхүүний гол хэрэглэгчид нь монголчууд байсан. 5000 км-ын алсаас өргөст хэмх зөөдөг “гэнэн” амьдралд туйлсан.

Харин одоо энэ бүх хийрхэл, элийрэл алга болж эдийн засаг эргээд бодит хөрсөн дээрээ бууж ирлээ. 2011 онд талх хувааж, граммын тос авдаг байсан иргэд өнөөдөр ч тэр л хэвээрээ. Харин 2011 онд импортын бараагаар гэрээ дүүргэж, гараашиндаа гурван машинтай байсан хэсэг бүлгийн амьдрал өөрчлөгдөж байгаа гэвэл илүү үнэнд нийцнэ. Өмнөх Засгийн газар хэтэрхий гэмээр үрэлгэн байсныг нуугаад яахав.

Зам барьж үрсэн мөнгөө бага багаар эдийн засагт гаргаж бо­лох л байсан. Гэсэн ч өмнөх Засгийн газар барилга, шатахуун, мах зэрэг инфляцийн хамгийн гол дайсан болж байсан өргөн хэрэглээний барааг тогтвортой барьж чадсанаар өнөөдөр эдийн засаг хэт өндрөөс нисэл­гүй зөөлөн газардлаа. Төв банк­­ны барьсан мөнгөний бод­­лого, үнэ тогтворжуулах хө­­төл­­бө­рийн нөлөөгөөр га­даа­дын хөрөнгө оруулалт 0 хувьд ирчихсэн, ам.долларын ханш галзуурсан цаг үеийг амар­гүй ч гэсэн амжилттай давж чадлаа. Инфляци долоон хувьд хүрэх зорилгодоо алхам алх­маар дөхөж байна.

 

Үргэлжлэлийг энд дарж уншина уу

---

Манай сайт танд таалагдаж байвал LIKE хийгээрэй. Танд баярлалаа.

---

---

Сэтгэгдэл үлдээх

Сэтгэгдэлтэй холбоотой санамж, хүсэлтүүд

Илгээ