Сар гаруйхны өмнө АН, МАН-ын залуусын овли­го­гүй зан, албан тушаалын төлөөх шу­на­хайрсан тэмцлийн талаар “Нялх сэнгүмүүдийг улс төрөөс хол байлгая” гэх нийтлэл бичиж байв.

Тухайн үед намдаа шинэчлэл хийх гэсэн залуусыг буруутгалаа гэж олон ч хүнээс шүүмжлэл сонс­сонсон. Төрийн өндөр ал­банд очоод суучихсан, намдаа сал­хи оруулахыг хүсдэггүй хэ­дэн олигархи улстөрчдийн эс­рэг тууштай тэмцэж байгаа за­луу­сын зөв хэмээн тэрхэн үедээ намын хэдэн залуусаас ээлж дараалан лекц сонсч байв.

Мэ­дээж шинэчлэл хийх гэж, олон жил халагдаж солигдоогүй дар­га даамлаа өөрчилж, намаа ши­нэч­лэх гэж байгаа тэдний үйл хэргийг буруутгах аргагүй юм. Харамсалтай нь тэр үеийн зо­доон, маргаан нам шинэчлэх үйл явц биш байжээ гэдэг нь ха­рагдах бол­лоо. Яг л тэр үед би­чиж бай­санчлан нам дагасан хэ­сэг за­луусын албан тушаалаа булаа­цалд­­сан арчаагүй зангийн илрэл гэ­дэг нь харагдах болов.

Арайхийн сэргэж байсан намынхаа нэр хүндээр Ардын намын хэсэг залуус туг тахих болсоор хэдэн сар болж байна. Намынхаа залуусыг удирдаж явсан Л.Оюун-Эрдэнэ мэргэжил дээшлүүлэхээр АНУ-д суралцах хугацаанд ажлыг нь орлоод үлдсэн намын журамт нөхөр Н.Номтойбаяр суудалд нь санаархах үйлдэл гаргаснаар тэдний зөрчил эхэлсэн түүхтэй.

Залуучуудын холбоог удирдана гэдэг намдаа томхон албан тушаал. 21 аймгийн залуучуудыг удирдаж, намын удирдлагуудаа хүссэнээрээ шантаажилж болох албан тушаал.

Энэ байдлыг ч овжин харсан Нямтайширын хүү журмын нөхрийнхөө араас “түгжилдэж” суудалд нь санаархсан зөрчилдөөн яван явсаар уржигдар Төрийн яамны үүд хаалга эвдэж орохдоо хүрч “заваарав”.

Намын ажил намдаа л харьяалагдах учиртай. Тэгж л их зодолдож, албан тушаалаа булаацалдмаар байгаа бол намынхаа байрны гадаа уриа лоозон барин жагсах учиртай юм.

Харин МАН-ын ойворгон залуус НАМЗХ-ны Ерөнхий нарийн бичгийн дарга Г.Тэмүүлэн гэгчид хандсан уриагаа Уул уурхайн яамны гадаа барин жагсч, төрийн хамгаалалтын хажуугаар дайрч орохоор санаархаж хөгөө хөлдөө чирэх нь тэр.

Л.Оюун-Эрдэнэ, Н.Номтойбаяр хоёрын даргын суудлаа булаацалдсан маргааныг тухайн үед намынх нь удирдлагууд анхаарч, Н.Номтойбаярт хатуухан сануулга өгснөөр өндөрлөсөн гэдэг.

Энэ үйл явдлын дараа НАМЗХ-г шинэчлэх ажил эхэлж, Эрдэнэт үйлдвэрийн захирал асан Ч.Ганзоригийн хүү Г.Тэмүүлэн намынхаа залуучуудын холбооны Ерөнхий нарийн бичгийн даргаар сонгогдсон.

 

Үргэлжлэлийг энд дарж уншина уу

---

Манай сайт танд таалагдаж байвал LIKE хийгээрэй. Танд баярлалаа.

---

---

Сэтгэгдэл үлдээх

Сэтгэгдэлтэй холбоотой санамж, хүсэлтүүд

Илгээ