Улстөр
・Нийтэлсэн:
Мэргэн охин
・
2015 06 сар 21
УИХ дахь Ардчилсан намын бүлгийн ээлжит хуралдаан Төрийн ордны “А” танхимд эхлээд байна. Тус хуралдаанд УИХ-ын дарга З.Энхболд, Ерөнхий сайд Ч.Сайханбилэг нар оролцож, мэдээлэл хийх аж.
Мөн энэ өдөр бүлэг Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай УИХ-ын тогтоолын төслийг хэлэлцэхээр төлөвлөсөн байна.
Бүлгийн хурал дууссаны дараа УИХ-ын гишүүн Л.Эрдэнэчимэг Тавантолгойн гэрээний төсөлтэй холбоотойгоор сэтгүүлчдэд мэдээлэл өгөхөөр болжээ. Тэрээр өнгөрсөн долоо хоногт мэдээлэл хийх үеэрээ УИХ-аас байгуулагдсан ажлын хэсэг Тавантолгойн гэрээний төсөлтэй холбоотойгоор бүхий л асуудлыг судалж байна. Гэхдээ зарим материалыг Засгийн газрын зүгээс гаргаж өгөхгүй байна. Тухайлбал, эрх шилжүүлэхтэй холбоотой асуудлыг тодруулах шаардлагатай байгаа гэдгээ мэдэгдсэн юм.
Манай сайт танд таалагдаж байвал LIKE хийгээрэй. Танд баярлалаа.