Улстөр
・Нийтэлсэн:
Отгонхүү
・
2014 12 сар 21
・ 2
2012 онд бүрдсэн парламентыг арай зөөлөн, зөрчил маргаантай асуудалд хатуу байр сууринаас ханддаггүй хүн удирдсан бол юу болох байсан бол хэмээн зарим хүмүүс ярьж байна.
Өөрсдийгөө сөрөг хүчин гэж итгэчихсэн МАН, албан тушаалын төлөө амиа тавихаас наагуур зүтгэдэг “Шударга ёс” эвсэл, ард түмэнд таалагдаж л байвал ямар ч асуудлыг мушгин гуйвуулж оноо цуглуулдаг бие даагч гишүүд, асуудлаа ойлгохгүй атлаа телевизийн камер харахаараа зогсохоо мэдэхгүй ярьдаг од болохын хүслэн болсон улстөрчдийг нэг танхимд цуглуулж тэднээр улс орны эрх ашигт нийцсэн хууль тогтоомж батлуулна гэдэг хэр баргийн аавын хүүгийн хийх ажил биш юм.
Өнгөрсөн хэд хоногт сайд, дэд сайдын томилгоо хийж, ард түмэн засгийн суудлаар амьсгалсан. Эрээвэр хураавар парламентыг энэ хэмжээнд удирдаж залж байгаа УИХ-ын дарга З.Энхболдыг өнгөрөгч долоо хоногийн “Дуулиант нөхөр”-өөр нэрлэж байна. Түүнийг хэтэрхий хүчээр шийдэх гэж оролддог, УИХ-ын гишүүдийн ярих хэлэхийг хаадаг боодог хэмээн шүүмжилж байсныг бишгүй олон удаа сонссон ч хэрвээ тэднийг ингэж аргамжихгүй бол юу болж дуусдагийг эрхэм уншигч та өөрөө ойлгож суугаа биз. Нэгэнт намууд тохироогоо хийгээд орж ирчихээд байхад сайд нарыг батлах үед хэн нь хэн бэ гэдэг нь харагдаадахлаа.
З.Энхболд даргын хувьд хэзээ ч хуулиас гажууд шийдвэр гаргадаггүй улстөрч гэдгээрээ онцлог. УИХ-ын Дэгийн тухай хуульд заасан хугацааг ягштал дагадаг, дэмжих дэмжихгүй үг хэлүүлэх гишүүдийн тоог Дэгийн тухай хуульд зааснаар мөрддөг. Асуудлаа мэдэхгүй бол түүнийг нь шууд ил цагаан хэлчихдэг, танхимаа үл хүндэтгэсэн гишүүдийн үнэн мөнийг ч хэвлэлээс айж хургахгүйгээр шууд хэлчихдэг нь 76 “од”-ыг удирдах хүнд л байх ёстой чанар гэлтэй.
Мөн ард түмний төлөөлөл болж суучихаад ирцээ бүрдүүлэхгүй, өрөө өрөөндөө тухалчихдаг эрхэм 76-гийн үнэн төрхийг зурагтын дэлгэц харж сууж байгаад хэлчихдэг нь зарим нэгэнд таалагддагүй ч эгэл иргэдэд энэ зарчмыг нь хүндэлж харьцдаг нь харагдаж байв. Ийм хүмүүс одоогийн парламентад тун цөөхөн. Фракцийн улстөржилтийг багасгаж, цээжээ дэлдсэн улстөрчдийн хандыг нь дарж, байх ёстой байранд нь буцааж тавьж байгаарай.
Тэр дундаа АН шиг олон толгойтой нам чиг шугамаасаа ухрахгүй зүтгэдэг улстөрчид л хэрэгтэй. Хэдий чинээ сайн менежер байгаад ч зарим талаараа хатуу байр суурь баримталдаг, жижиг асуудлыг ч орхихгүй анхаардаг удирдагч байхгүй бол бүгдийг нь аргадна гэхээр хол явахгүй. Түүнийг АН-ын даргын суудалд очиход нь ч намынх нь жирийн гишүүд тун ч баяртай байсан гэдэг. Н.Алтанхуяг бүх үеийн дарга нараас яах аргагүй чадварлаг байсан нь үнэн.
Үргэлжлэлийг энд дарж уншина уу
Манай сайт танд таалагдаж байвал LIKE хийгээрэй. Танд баярлалаа.