Нийгэм
・Нийтэлсэн:
Отгонхүү
・
2024 07 сар 25
Хөвсгөл нуурын эрэг дээр 16 хүн амарч байснаас гурван иргэн сэлэх гэж ороод живж амиа алджээ. Тодруулбал, Хөвсгөл аймаг, Алаг-Эрдэнэ сум. Хатгал тосгоны 2 дугаар багийн “Жанхайн дээд модот булан” гэдэг газарт Хөвсгөл нуурын эрэг дээр 16 хүн (8 нь хүүхэд) амарч байснаас 3 иргэн сэлэх гэж ороод живсэн тухай дуудлагыг долоодугаар сарын 24-ний өдрийн 14:37 цагт хүлээн авсан.
Тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид 20 км туулан 14:59 цагт очиход иргэн Б/45 настай, эрэгтэй/, иргэн Ж /35 настай, эрэгтэй/, иргэн Х /24 настай, эрэгтэй/ нар Хөвсгөл нууранд живж нас барсан барсан байжээ. Цогцсыг 4 метрийн гүнээс гаргаж Цагдаагийн байгууллагад шилжүүлэн өгсөн байна.
Хөвсгөл аймгийн хэмжээнд он гарсаар усны ослын 5 тохиолдол бүртгэгдэж, 7 хүн амиа алджээ.
Иймд гол нуурын эрэг дагуу амарч зугаалж байхдаа хүүхдийг гол горхи, нуур, цөөрмийн ойр тоглуулахгүй байх, согтууруулах ундаа хэрэглэсэн үедээ гол усанд орохгүй байх, булчин, шөрмөс татсан үед гол усанд орохоос татгалзах, хийлдэг гудас, завьтай голд орохгүй байж гол, усны ослоос сэргийлэхийг Хөвсгөл аймгийн Онцгой байдлын газраас анхааруулж байна.
Манай сайт танд таалагдаж байвал LIKE хийгээрэй. Танд баярлалаа.