Тэрээр :
"Хүнд хэцүү маш их хардлага дагуулдаг ажилд томилогдож байгаа залуу хүнд амжилт хүсмээр байна. Гэхдээ ганц нэг зүйл захиж хэлмээр байна. Хууль хяналтынхан улстөрчдийн захиалгаар улстөрд хутгалддаг боллоо. Би гурван баримт хэлье.

АТГ-ын нэр дэвшигч Ц.Анандбазарыг барьж хориод нэр дэвшүүлээгүй, Ё.Отгонбаярын гэргийг их хэмжээний мөнгө дансандсаа нуусан гэж гүтгэж, санал хуваасан. Ерөнхий сайд Н.Алтанхуягийг огцрохын өмнөх өдөр АТГ мэдэгдэл хийсэн. Н.Алтанхуягийг унагахын тулд захиалгатай мэдэгдэл та нар хийсэн.

Том улстөрчдөөс хол байгаарай, та нар. Улс төрөөс ангид бай. Эрээ цээргүй оролцдог болсон шүү. Хоёрдугаарт, долдугаар сарын 1-нд таван хүний амийг хөнөөсөн хэрэг мартагдлаа. Энэ хэрэг хаашаа шилжив. Дуртай болгон нь долдугаар сарын 1-ний талаар ярьдаг боллоо. Энэ хэрэг танай дээр байгаа бол үргэлжлүүлж хийгээрэй. Монголд анх гарсан терроризмын хэрэг шүү.

Хүн болгон хонгио барьчихсан давхиж явсан. Цагдаагийн дарга нарыг буруу зүйл ангиар хийчихээд мартаж болохгүй. Сүүлийн үед манай хууль хяналтынхан хүнийг хорьчихоод байцаадаггүй, тамладаг байдал хэрээс хэтэрлээ. Гурван сар хориод хоёр удаа л байцаасан гомдол ирж байна. Ийм асуудлуудыг анхаарч ажиллаарай. АТГ руу дайрдаг байдал хэрээс хэтэрлээ"хэмээсэн юм.

Э.Мягмардорж

sonin.mn