Баасан гарагт хуралдсан АН-ын ҮЗХ-ны хурлаар Монгол Улсын 28 дахь ерөнхий сайдад УИХ-ын гишүүн Ч.Сайханбилэгийн нэрийг нь дэвшүүлсэн. ҮЗХ-ны хурал дээр нууцаар санал хураалт явуулахад Ч.Сайханбилэг 53.5, Р.Амаржаргал 46.5 хувийн санал тус тус авсан байна.
Төрийн тусгай хамгаалалтын тухай хуулиар “Төрийн гурван өндөрлөг” буюу Ерөнхийлөгч, Ерөнхий сайд, УИХ-ын дарга нарыг мөн шаардлагатай тохиолдолд нэр дэвшигчдийг хамгаалалтад авдаг.
Энэ дагуу Ч.Сайханбилэгийг өнгөрсөн баасан гаригт Ерөнхий сайдад нэр дэвшүүлснийх нь дараа Төрийн тусгай хамгаалалтад авчээ.