Шинэчлэлийн Засгийн газрын үед “Нүүрс” хөтөлбөрийг хэрэгжүүлэхдээ албан тушаалаа ашиглан их хэмжээний мөнгө зувчуулсан байж болзошгүй үндэслэлээр экс Ерөнхий сайд Н.Алтанхуягийн зөвлөхөөр ажиллаж байсан Л.Гансүх нарыг шалгаж байгаа билээ. Дээрх хэргийн явц нэлээд удааширч шүүхэд шилжсэн. Шүүх хурал хоёр ч удаа товлогдсон ч хойшлоод байгаа юм. Анхны шүүх хуралд экс Ерөнхий сайд Н.Алтанхуягийг гэрчээр дуудах тухай санал гарсан. Тэгвэл энэ долоо хоногт товлогдсон шүүх хуралд шүүгдэгчээр Ерөнхий сайд Н.Алтанхуягийн ахлах зөвлөх Л.Гансүх, “MGL-SB” компанийн захирал Н.Даваахүү, тус компанийн нягтлан бодогч Б.Мөнгөнтуяа нар оролцсон. 

Харин шүүх хуралд оролцох эсэх талаар хүлээлт үүсгээд байсан Ерөнхий сайд асан Н.Алтанхуяг шүүх хуралдаанд оролцсон юм. Гэвч, шүүх хурлын явцад зайлшгүй байж мэдүүлэг өгөх ёстой гэгдэж байсан “Багануур” компанийн захирал М.Отгонбаяр, Үндэсний аудитын газрын шинжээч Ш.Ичинхорлоо нар ирээгүйгээс шүүх хурал энэ сарын 10-ныг хүртэл дахин хойшилсон юм. Улмаар шүүгдэгч нарыг шүүх хурал болтол цагдан хорих шийдвэр гаргасан бөгөөд дараагийн хурлыг Шүүхий шийдвэр гүйцэтгэх ерөнхий газрын харьяа Цагдан хорих 461 дүгээр ангийн Эрүүгийн хэргийн танхимд явуулахаар болсон юм. 

 

Үргэлжлэлийг эндээс уншина уу