Улстөр
・Нийтэлсэн:
Мэргэн охин
・
2015 10 сар 02
・ 2
Манай улсын Ерөнхий сайд Ч.Сайханбилэг дэндүү “жижигхэн” байна. Харин хэдэн өдрийн өмнөөс “од” болоод байгаа “Эксклюзив” компанийн захирал Г.Майцэцэг гэдэг эмэгтэй “том” юм аа. Татварын асуудлаас болоод өрөнд орж, дансаа хаалгасан компанийнхаа асуудлыг ганцхан өдрийн дотор гүйцэтгэх засаглалын тэргүүнээр шийдүүлж чадсан. “Бяртай байна” гэхээс өөр юу хэлэх билээ. Нэг нь дансыг нь нээх үүрэг өгч, нөгөө нь үйлдвэрлэлээ үргэлжлүүлэн явуулахаар болж байгаа нь сайшаалтай ч юм уу. Гэхдээ үүний цаана буруу жишиг тогтох гээд байна, Ерөнхий сайд аа.
Хэвлэл мэдээллийн бүхий л хэрэгслээр өөрийнх нь үйлдвэрлэл дампуурахдаа тулж байгааг зарлан, ажлаа хийж татварын торгууль ногдуулсан байцаагч эмэгтэйг хүртэл нэр усаар нь орон даяар зарлаад зогсохгүй “Тэнгэр ниргээсэй” хэмээн чадлаараа “хашгирсан” нэг эмэгтэй л таныг, тэр бүү хэл, татварынхныг тэр чигээр нь хөдөлгөчихлөө гэж үү? Яасан хямдхан Ерөнхий сайд, яасан тогтворгүй салбар вэ? Яг нүдэн дээр болоод өрнөсөн энэ үйл явдлыг эрүүлээр харъя гэвч үүний цаана эрүүл бус жишиг тогтчих вий гэх болгоомжлол төрөөд байна.
Хэл, амтай нэг нь ажиллаж байгаа салбараа гоочилж, ард иргэдийн сэтгэлзүйг уран гоё үгээрээ угаасныхаа төлөө бүхэл бүтэн Засгийн газрын тэргүүний ивээлд багтчих юм гэж үү? Улс орон удирдаж байгаа хүний хувьд Монгол төрийн номер гурав дахь эрхэмд зангарга гэж юм байх учиртай. Заавал өөрийн биеэр залраад зогсохгүй татварынхныг тэр чигээр нь суулгаж байгаад л “Энэ компанийн дансыг нээ” гэж сүржин даржин үүрэгдэх шаардлага байсан ч юм уу? Ерөнхий сайдын ингэж хэлсэн нь “Тэртэй тэргүй татварын орчин тааруу байгаа учраас эрхэм татвар төлөгчид та бүхэн хуулиа зөрчиж болно” гэсэнтэй агаар нэг сонсогдоод байгаа юм биш үү?
Эдийн засаг хүнд байгаа, улсын төсвийн орлого 580 тэрбумаар тасраад байгаа энэ үед “Эксклюзив” шиг татварын дарамтад ороод, хаалгаа барьж байгаа компани хэдэн арав, магадгүй зуугаараа бий. Эсвэл тэднийг ч бас олон нийтийн тархийг угааж, татварын байцаагчдыг чадлаараа үзэн яд гэж уриалаад байгаа юм уу? Ойлгомжгүй байна. Нэг хүн бүү хэл, хэдэн мянган хоригдол Өршөөлийн хуулийг хараад нүд, сэтгэл нь цөхөрч байгаа энэ үед ганцхан Байнгын хороо хуралдах гэж гурван ч өдөр цаг товлоод гишүүд нь ирсэнгүй.
Үргэлжлэлийг эндээс уншина уу
Манай сайт танд таалагдаж байвал LIKE хийгээрэй. Танд баярлалаа.