Улстөр
・Нийтэлсэн:
Мэргэн охин
・
2015 11 сар 12
・ 9
Нийтлэлч Баабар буюу Б.Батбаяр хуурамч баримт бүрдүүлэн тэтгэврээ нэмж тогтоолгосон нь Нийгмийн даатгалын салбарынханы дотоод хяналт шалгалтаар илэрсэн тухай мэдээлэл гарсан. Энэ талаар Сүхбаатар дүүргийн Нийгмийн даатгалын хэлтсийн хяналт мониторингийн албаны улсын байцаагч Б.Мөнхтуяагаас тодрууллаа.
-Баабар буюу Б.Батбаяр тэтгэвэр тогтоолгохдоо хуурамч бичиг баримт бүрдүүлсэн болох нь илэрч олны дунд багагүй шуугиан тарилаа. Яг юу болсон талаар та тодруулахгүй юу?
- Хүн амын хөгжил, нийгмийн хамгааллын сайд С.Эрдэнэ Баабарын тэтгэвэр тогтоолгосон тэрхүү хуурамч гэгдээд байгаа баримт бичгийг олны өмнө цэнхэр дэлгэцээр харуулсан. Нийгмийн даатгалын аль ч шатны байгууллагуудын үйл ажиллагаа тэр тусмаа санхүү мөнгө төгрөгтэй холбоотой асуудал маш нарийн давхар давхар хяналт шалгалттай явагддаг болохыг энд зориуд онцлож хэлэх үүрэгтэй гэж бодогдож байна. Нийгмийн даатгалын чиглэлээр явагдаж байгаа бүх төрлийн зарлага, тэтгэвэр, тэтгэмж манай дотоодын хяналт шалгалтаар батлагаажиж иргэдэд хүрч үйлчилдэг. Орон даяар нийгмийн даатгалын салбарын хэмжээнд ийм хяналт шалгалт явагддаг. Гарсан илэрсэн зөрчил дутагдал бүхнийг засч залруулдаг. Заримыг нь хууль шүүхийн байгууллагад шилжүүлдэг. Ийм л журамтай. Б.Батбаяр буюу Баабар улсад ажилласан жилээ буруу зөрүү тогтоолгосон баримт бүдүүлсэн нь манай хяналтшалгалтаар илэрсэн. Өөрт нь ийм зүйл болсоныг албан ёсоор мэдэгдсэн. Баабар гуай үүнийг мэдэхгүй хэмээн мэлзэж байгаа. Манай ажилтнуудын өөдөөс Баабар хэмээх нэрт улстөрчөөс гарч боломгүй маш бүдүүлэг авирласан. 2009 онд Непко ХХК-д тавигдсан 12 сая төгрөгөө би буцааж авна гэж давшилсан. Нийгмийн даатгалын шимтгэл төлөөгүй учраас 12 сая төгрөгийн акт тавигдсан байсныг дайрч давшилснаар буцаадаг гэж юу байхав. Торгуулийн актыг буцааж хүчингүй болгох эрх манайд байхгүй.
-Ажилласан жилээ үнэн зөв тогтоолгож ирэх нь тэтгэвэрт гарч байгаа иргэн бүрийн үүрэг байдаг.Тэгвэл Баабар гуай ажилласан жилээ худлаа тогтоолгосон гэх асуудлыг цаг хугацаагаар нь тодорхой хэлэхгүй юу?
-Бат-Эрдэнэ овогтой Батбаяр регистрийн дугаар нь УП 81041615. Мөн Бат-Эрдэнэ овогтой Батбаяр буюу Баабар регистрийн дугаар нь ЖЭ 54110210 Петроматад Компанид 2011-01-17- ний өдрөөс 2012 -02-17 -ний өдрийг хүртэл ажиллаж байсан нэр нэгт Бат-Эрдэнэ овогтой Батбаяр регистрийн дугаар нь УП 81041615-ний ажилласан жилийг мөн Эрдэс Холдинг компанид ажиллаж байсан Дамбасүрэн овогтой Пунцаг гэгчийн хоёр жил есөн сарын ажилласан жилийг өөрийнхөө нэр дээр бас материал бүрдүүлсэн. Улсад 26 жил ажилласан байтал хуурамч бичиг баримт бүрдүүлснээр 32 жил ажилласан болж, нийгмийн даатгалын сангаас 800 000 төгрөгийн тэтгэвэр тогтоолгож чадсан байгаа юм.
Үргэлжлэлийг эндээс уншина уу
Манай сайт танд таалагдаж байвал LIKE хийгээрэй. Танд баярлалаа.