Нийгэм
・Нийтэлсэн:
Отгонхүү
・
2024 07 сар 26
![](http://zaluu.mn/upload/2024/07/26/0e1f46801577a60c66f6f550ae98fc5d.jpg)
Монгол Улсын Зэвсэгт хүчний Жанжин штабын дарга хошууч генерал С.Ганбямба Монгол Улсад албан ёсны айлчлал хийж буй Бүгд Найрамдах Киргиз Улсын Батлан хамгаалахын сайд Б.А.Бекболотовыг өнөөдөр (2024.07.26) хүндэтгэн хүлээн авч уулзлаа.
Уулзалтаар Монгол, Киргиз хоёр орны цэргийн хамтын ажиллагааг өргөжүүлэх боломжийн талаар харилцан санал солилцож, тодорхой чиглэлүүдээр, ялангуяа Монгол Улсын Зэвсэгт хүчний энхийг дэмжих ажиллагааны туршлагаас суралцах чиглэлээр хамтын ажиллагааны төлөвлөгөө гарган хэрэгжилтийг нь хангаж ажиллахаар тохиролцов.
Мөн энэхүү уулзалтын үеэр Бүгд Найрамдах Киргиз Улсын Батлан хамгаалахын сайд дэслэгч генерал Б.А.Бекболотов тэргүүтэй төлөөлөгчдөд “Хааны эрэлд-2024” энхийг дэмжих ажиллагааны олон улсын сургуулийн талаарх мэдээллийг ЗХЖШ-ын Энхийг дэмжих, цэргийн хамтын ажиллагааны хэлтсийн дарга хурандаа Д.Мягмаржав танилцуулсан юм.
Манай сайт танд таалагдаж байвал LIKE хийгээрэй. Танд баярлалаа.